Türkiyənin Balıkesir vilayətinin Sındırgı rayonunda baş verən 6,1 bal gücündə zəlzələ rayon mərkəzindən kənarda yerləşən Alacaatlı (12 km) və Kızılgür (16 km) kəndlərinə də ciddi təsir edib.
Manset.az-ın məlumatına görə, Kızılgürdəki 49 illik məscidin minarəsi uçub, evlərdə çatlar yaranıb. Sakinlər artçı təkanlar səbəbilə gecəni açıq havada, stadionda və avtomobillərdə keçirmək məcburiyyətində qalıblar.
Zəlzələyə Gölcükdə avtomobilində qalan bir sakin, “Hər yer viranə idi, divarlar bir-birinə girmişdi” deyə vəziyyəti təsvir edib. Yerli əhali hələ də evlərinə dönməkdən ehtiyat edir.
