ABŞ-ın texnologiya mərkəzi olan Silikon Vadisində zəngin ailələr uşaqlarını "super körpə"yə çevirmək üçün embriyoları zəka səviyyəsinə görə seçirlər. Bəzi valideynlər bu genetik testlərə 50 min dollaradək (Təxminən 85 min AZN) pul ödəyirlər.
Manset.az-ın Wall Street Journal-na istinadədən xəbərinə görə, texnologiya rəhbərləri gələcəkdə daha ağıllı uşaqlar dünyaya gətirmək üçün embriyoların genetik potensialını əvvəlcədən yoxlatdırırlar.
Tanınmış tanışlıq mütəxəssisi Jennifer Donnelly bildirir ki, texnologiya sahəsində çalışan bəzi CEO-lar yalnız prestijli universitetləri bitirmiş şəxslərlə ailə qurmağa üstünlük verirlər və bu, ağıllı nəslin formalaşdırılmasına yönəlib.
