Türkiyəli sosial media fenomeni Danla Bilic 3 il əvvəl etdirdiyi kalça dolğusu səbəbindən yaşadığı sağlamlıq problemləri nəticəsində beşinci dəfə əməliyyat masasına yatıb.
Manset.az Türkiyə mediasına istinadən xəbər verir ki, tanınmış şəxs vücudundan çıxarılan dolğu maddəsini sosial media hesabında paylaşaraq izləyicilərini xəbərdar edib.
YouTube videoları ilə məşhurlaşan və geniş izləyici kütləsinə sahib olan Danla Bilic son illərdə həm şəxsi həyatı, həm də estetik əməliyyatları ilə tez-tez gündəmdə olub. Məşhur fenomen 3 il əvvəl etdirdiyi omba dolğusu səbəbindən ciddi sağlamlıq problemləri yaşadığını və infeksiya nəticəsində ölüm təhlükəsi ilə üzləşdiyini açıqlamışdı.
