Fransada sağçı Milli Birlik Partiyasının millət vəkili Jean-Philippe Tanguy cinsi xidmət işçilərinin təhlükəsizliyini artırmaq məqsədilə 1946-cı ildə bağlanan dövlət lisenziyalı cinsi xidmət göstərilən evlərin yenidən açılması üçün qanun təklifi hazırladığını açıqlayıb.
Manset.az xarici mediaya istinadən xəbər verir ki, Tanguy partiya lideri Marine Le Penin dəstəyi ilə qısa zamanda parlamentə qanun təklifi təqdim edəcəyini bildirib.
Tanguy Le Monde qəzetinə verdiyi müsahibədə Belçika, Hollandiya və Almaniyadakı müasir tətbiqlərdən ilham aldığını bildirərək cinsi xidmət işçilərinin təhlükəsiz və nəzarət altında olan məkanlarda öz iş şəraitlərini müəyyən etmələrinin vacib olduğunu müdafiə edib. Çalışma şəraitlərinin sərtləşməsi səbəbindən bəzi cinsi xidmət işçiləri təşkilatları da tənzimlənən genelevlər ideyasına müsbət yanaşır.
