Danimarkadakı bir sperma bankı eyni donorun materialını on beş ildən artıq bir müddət ərzində satıb və həmin donasiya nəticəsində İspaniya da daxil olmaqla Avropanın on dörd ölkəsində ən azı 197 uşaq dünyaya gəlib.
Manset.az xarici mediaya istinadən xəbər verir ki, İspaniyada yardımçı reproduktiv texnologiyalar, donasiyalar və donorlarla bağlı müddəaları da əhatə edən 2006-cı il tarixli 14 nömrəli Qanunla tənzimlənir.
Qanunvericiliyə əsasən, donorların şəxsiyyəti məxfi saxlanılır və süni mayalanma (İAD) etdirən qadın donorun seçiminə müdaxilə edə bilməz; eyni qaydada donor da öz spermasının verildiyi alıcının kimliyindən xəbər tuta bilməz. Donorun kimliyi yalnız istisna hallarda - doğulan uşağın həyatına və ya sağlamlığına real təhlükə olduğu təqdirdə - açıla bilər.
