Fransada hərbi çevriliş olduğu iddialarına dair görüntülər beynəlxalq qarışıqlığa səbəb olub.
Manset.az xarici mediaya istinadən xəbər verir ki, sosial mediada sürətlə yayılaraq 13 milyon izlənməyə çatmış görüntülərdə, bir polkovnikin Fransa hökumətinə əl qoyduğu və Fransa Prezidenti Emmanuel Makronun hökumətinin devrilmiş ola biləcəyi qeyd edilib.
Makron Fransada çevriliş olmuş kimi göstərilən süni intellektlə hazırlanmış videonun "Facebook" platformasında yayıldığını, bunun ardından Afrikalı bir dövlət başçısının ona müraciət etdiyini bildirib. Makron bu yanlış məlumat yayan videonun silinməsi üçün "Facebook"dan müraciət etdiklərini, lakin sosial media platformasının "xidmət şərtlərini pozmadığı" səbəbi ilə videonu silməkdən imtina etdiyini qeyd edib.
