Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Kaya Kallas Vaşinqtonda “Hilton” otelində keçirilən tədbir zamanı olan silahlı hücuma münasibət bildirib.
Manset.az xəbər verir ki, bu barədə o, “X”də yazıb.
“Orada olan hər kəsin, o cümlədən Prezident Donald Trampın atışmadan sonra sağ-salamat olması sevindiricidir”, - o qeyd edib.
Kallas həmçinin vurğulayıb ki, demokratik cəmiyyətdə siyasi zorakılıq baş verməməlidir.
Xatırladaq ki, bu gün səhər saatlarında (Bakı vaxı ilə) ABŞ Prezidenti Donald Trampın da iştirak etdiyi, Vaşinqtonda “Hilton” hoteldə keçirilən Ağ Ev Müxbirləri Assosiasiyasının qəbulunda atışma olub. Hadisə zamanı 1 təhlükəsizlik əməkdaşı vurulsa da, geyindiyi zireh onu xəsarətdən xilas edib.
