Suriya Daxili İşlər Nazirliyi devrilmiş rejimin müharibə pilotları olan Munzir Savvan, Abdulkerim Alya və Rami Süleymanın sorğu görüntülərini yayımlayıb. Əsəd rejiminin adıçəkilən müharibə pilotları həyata keçirdikləri mülki soyqırımların arxasında duran hadisələri açıqlayıb.
Manset.az xarici mediaya istinadən xəbər verir ki, "Şərqi Quta qatili" olaraq tanınan pilotlar əmrlərin birbaşa Bəşər Əsəddən gəldiyini və mülki hədəfləri vurduqdan sonra mükafatlandırıldığını bildirib.
Pilotlardan Rami Süleyman hücum əmrlərinin devrilmiş rejimin lideri Bəşər Əsəd və Müdafiə Naziri tərəfindən verildiyini ifadə edərək hədəflərin faks vasitəsilə Hava Qüvvələri Komandanlığı tərəfindən general Əhməd Bellul tərəfindən göndərildiyini açıqlayıb.
Suriya'da "Qutanın Düşməni" kimi tanınan Savvan, Sin, Dumeyr və Halhalə hava limanlarından qalxan təyyarələrlə Suriya cənubundakı Dəra, Kuneytra, Duma və Quta bölgələrinin bombalandığını açıqlayıb.
Sorğu zamanı mülki hədəflərə hücum etmələri ilə bağlı verilən suala Savvan, "Tapşırıq normal görünürdü. Hədəf gəldi. Təyyarələr qalxdı, vurdu, geri döndü. Hədəfin nə olduğunu bilmirdik. Sadəcə verilən tapşırıqlar yerinə yetirilirdi" - şəklində cavab verib.
