ABŞ-nin Sinaloa Valisi Ruben Rocha Moya da daxil olmaqla 10 Meksika rəsmisini "narkotik qaçaqmalçılığına kömək etmək" ittihamı ilə günahlandırdığı bildirilib.
Manset.az xarici mediaya istinadən xəbər verir ki, iddianaməyə görə, bu şəxslər Sinaloa kartelinin Meksikadan ABŞ-yə fentanil, heroin, kokain və metamfetamin göndərməsinə kömək etməkdə ittiham olunur.
Bəzi şəxslərin Sinaloa kartelinin şiddət əməliyyatlarında birbaşa iştirak etdikləri iddia edilərkən həmçinin "El Chapo" ləqəbli Joaquin Guzmanın tərəfdarları tərəfindən idarə olunan qrupla əlaqələrə sahib olduqları bildirilir.
İttiham olunan 3 rəsmiyə dair iddianamədə onların Meksika Prezidenti Claudia Sheinbaumun partiyası olan Milli Yenilənmə Hərəkatı (MORENA) ilə əlaqəli olduqları qeyd olunub.
