ABŞ qüvvələrinin Hörmüz boğazındakı Larak adasında yerləşən iki raket buraxılış qurğusuna hücum etməsindən sonra İran və ABŞ qarşılıqlı zərbələr endirib.
Manset.az xarici mediaya istinadən xəbər verir ki, İranın İslam İnqilabı Keşikçiləri Korpusunun (İİKK) məlumatına görə, iyulun sonundan bəri ABŞ-ın İrana qarşı həyata keçirdiyi ilk məlum zərbələr nəticəsində iki nəfər həlak olub, daha iki nəfər isə yaralanıb; qurum həmçinin "cavab və cəza" vəd edib.
ABŞ-ın Mərkəzi Komandanlığının (Centcom) sözçüsü bildirib ki, İranın "Hürmüz boğazına raketlər atmağa və dəniz minaları yerləşdirməyə" hazırlaşdığı müşahidə edildikdən sonra "məhdud və dəqiq əməliyyat" həyata keçirilib.
İran buna cavab olaraq İordaniyadakı ABŞ hərbi bazalarına zərbə endirdiyini açıqlayıb, İordaniya ordusu isə bazar ertəsi səhər saatlarında səkkiz raketi zərərsizləşdirdiyini bildirib.
İranın dövlət televiziyası həmçinin məlumat verib ki, İran ordusu BƏƏ-dəki bir aviabazanı pilotsuz uçuş aparatları (PUA) ilə hədəf alıb.
