Bakıda küçədə 5 yaşlı uşaq tapılıb.
Manşet.az xəbər verir ki, bu barədə hüquq-mühafizə orqanlarından məlumat verilib.
Bildirilib ki, hadisə noyabrın 21-i axşam saatlarında Xətai rayonu, NZS qəsəbəsi ərazisində qeydə alınıb.
Belə ki, Rayon Polis İdarəsinin (RPİ) əməkdaşlarına 5 yaşlı uşağın küçədə qalması barədə məlumat daxil olub. Daha sonra uşağın yeri müəyyən edilib və o, sığınacağa aparılıb.
Uşaq adının Arif olduğunu deyir. Polis əməkdaşları isə onun diləndirildiyini güman edirlər.
Hazırda Xətai RPİ-də uşağın yaxınlarının tapılması istiqamətində araşdırmalar aparılır.
