Bakıda avtomobili qadağan olunmuş yerdə park edən sürücülər cərimədən yayınmaq üçün kütləvi şəkildə qəribə üsula əl atıblar.
Manşet.az xəbər verir ki, bu barədə görüntülər sosial şəbəkələrdə yayılıb.
Bakı Nəqliyyat Agentliyinin mətbuat xidmətinin rəhbəri Mais Ağayev Oxu.Az-a bildirib ki, bu cür hallarla bağlı Nəqliyyatı İntellektual İdarəetmə Mərkəzi tərəfindən Baş Dövlət Yol Polisinə məlumat verilir:
"Həmin vaxt əməkdaşlar əraziyə yaxınlaşır və sürücülərin qadağan olunmuş yerlərdə cərimədən yayınmaq üçün nömrə gizlədilməsi ilə bağlı cərimə tətbiq edilir.
Həmin şəxslər bunu edirlər ki, 18-20 manatdan yayınsınlar. Amma onlar daha ağır cəriməyə bərabər tutulan qayda pozuntusu edirlər”.
