Yasamal rayonu Məhəmməd Xiyabani küçesində “Kral-Transport” MMC-nin müvəqqəti istismarında olan 39 nömrəli müntəzəm marşrut xətti üzrə hərəkət edən avtobusun iştirakı ilə yol nəqliyyat hadisəsi qeydə alınıb.
Bu barədə Manşet.az BNA-ya istinadən xəbər verir.
Daşıyıcının verdiyi məlumata görə hadisə “Ətçilər bazarı” adlanan ərazidə baş verib. 99 JZ 710 DQN-li avtobus svetofordan keçən zaman qırmızı işıqdan keçən Toyota Prius markalı minik avtomobili ilə toqquşub. Hadisə nəticəsində avtobusda olan sərnişinlərdən heç kim xəsarət almayıb. Minik avtomobilin sürücüsünün yüngül xəsarət aldığı bildirilir.
