Güclü külək Qax rayonunda bir sıra fəsadlara səbəb olub.
Manset.az "Qafqazinfo"ya istinadən xəbər verir ki, günorta saatlarından əsən güclü külək rayonun beş kəndini işıqsız qoyub.
Belə ki, rayonun Alatəmir kənd ərazisində iri gövdəli qoz ağacının elektrik xəttinin üzərinə aşması nəticəsində xətlərə ciddi ziyan dəyib.
Hal-hazırda Qax rayon Elektrik Şəbəkəsinin əməkdaşları fəsadların aradan qaldırılması istiqamətində işlər aparır.
Verilən məlumata görə, yaxın saatlarda elektrik enerjisinin verilməsi bərpa olunacaq.
