Misli Premyer Liqasının X turunun “Karvan-Yevlax” - “Zirə” qarşılaşması başa çatıb.
Manset.az İdman.biz-ə istinadən xəbər verir ki, qarşılaşma gərgin mübarizə şəraitində keçib və qonaqların qələbəsi ilə başa çatıb.
Oyunun hesabını 29-cu dəqiqədə meydan sahiblərindən İmani Barker açıb. İlk hissə bu hesabla yekunlaşıb - 1:0.
İkinci yarıda “Zirə” fəallığı artıraraq 57-ci dəqiqədə Brahim Konatenin qolu ilə bərabərliyi təmin edib - 1:1. Cəmi beş dəqiqə sonra “Karvan-Yevlax”dan Kayl Spens fərqlənərək komandasını yenidən irəli çıxarıb - 2:1.
Lakin “Zirə” son dəqiqələrdə əzmkarlıq göstərib: 74-cü dəqiqədə Coy Sleyd Mikels hesabı bərabərləşdirib, 87-ci dəqiqədə isə Ayron Qomis qonaqlara qələbə qazandırıb - 2:3.
Beləliklə, “Zirə” çətin səfər matçında vacib üç xalı əldə edib.
