"Fənərbağça"nın prezidenti vəzifəsinə yenidən seçilən Aziz Yıldırım fəaliyyətə başlayan kimi klubda bir sıra mühüm qərarlar qəbul edib.
Manset.az-ın Türkiyə mediasına istinadən məlumatına görə, Yıldırım "Çobani" stadionundakı lojaların qiymətləndirilməsi ilə bağlı araşdırma başladıb. Yoxlamalar zamanı bir sıra lojaların bazar qiymətindən aşağı məbləğə verildiyi müəyyən edilib və tanınmış iş adamlarından yaranmış qiymət fərqinin ödənilməsi tələb olunub.
Araşdırma çərçivəsində televiziya aparıcısı və iş adamı Acun İlıcalının meydanın mərkəzi hissəsində yerləşən xüsusi lojası da ləğv edilib.
Klub rəhbərliyi bildirib ki, həmin loja bundan sonra kim prezident seçilməsindən asılı olmayaraq "Fənərbağça Prezident Lojası" kimi istifadə olunacaq.
