İspaniyalı hücumçu Pedro Rodriges 39 yaşında peşəkar futbolçu karyerasını başa vurduğunu açıqlayıb.
Manset.az “Qafqazinfo”-ya istinadən xəbər verir ki, bu barədə “Match TV” məlumat yayıb.
Futbolçunun son klubu yayda ayrıldığı “Latsio” olub. Komandada keçirdiyi beş il ərzində Pedro 209 oyunda meydana çıxıb, 39 qol vurub və 19 məhsuldar ötürmə edib.
Karyerası ərzində futbolçu klub səviyyəsində 794 oyun keçirib, 197 qol vurub və 113 məhsuldar ötürmə edib.
O, üç Çempionlar Liqası titulu da daxil olmaqla, ümumilikdə 25 kubok qazanıb.
“Barselona”nın gənclər akademiyasının yetirməsi olan Pedro həmçinin “Çelsi” və “Roma” klublarında da çıxış edib.
