Futbol üzrə Azərbaycan Premyer Liqasında VII turun daha bir oyunu keçirilib.
Manset.az report-a istinadən xəbər verir ki, "Neftçi" "Asco Arena"da "Səbail"in qonağı olub. Görüş "ağ-qaralar"ın 2:0 hesablı qələbəsi ilə başa çatıb.
Hər iki qol ikinci hissədə vurulub. 53-cü dəqiqədə Emin Mahmudov, 83-cü dəqiqədə isə Gilyerme Pato fərqləniblər.
Bu nəticədən sonra xallarını 18-ə çatdıran "Neftçi" ilk pilləyə yüksəlib. 5 xalı olan "dənizçilər" isə 7-ci sırada qalıb.
Qeyd edək ki, turun açılış matçında "Sabah" evdə "Turan Tovuz"u 3:1 hesabı ilə məğlub edib.
Qeyd edək ki, sentyabrın 17-də "Qəbələ" - "Sumqayıt" oyunu, bir gün sonra isə "Kəpəz" - "Şamaxı" və "Zirə" - "Qarabağ" matçları baş tutacaq.
