Manset.az-ın Göyçay şəhərində sağlam şam ağaclarının qəsdən qurudularaq yerində obyekt tikildiyi iddiası ilə bağlı yayımladığı xəbərə rəsmi münasibət bildirilib. Qeyd olunan məsələ ilə bağlı polis və 8 saylı Regional Ekologiya və Təbii Sərvətlər İdarəsi əməkdaşları tərəfindən araşdırmalara başlanılıb, əraziyə baxış keçirilib.
Daxili İşlər Nazirliyinin Mətbuat Xidmətinin regional qrupundan Manset.az-a bildirilib ki, əməli törətməkdə şübhəli bilinən bir nəfər müəyyən olunaraq saxlanılıb. Dəymiş maddi ziyanın məbləğinin müəyyənləşdirilməsi ilə bağlı müvafiq sorğu göndərilib.
Faktla bağlı araşdırmalar davam etdirilir.
***
09:27
Göyçay şəhərinin Nizami küçəsində sağlam şam ağaclarının qəsdən qurudularaq yerində obyekt tikildiyi iddia edilir.
Manset.az-ın əldə etdiyi məlumata görə, ağacların gövdəsi deşilərək içinə kimyəvi maddə (kislota) vurulub. Nəticədə ağaclar quruyur və onlar kəsilərək yerində obyekt tikilməsinin planlaşdırıldığı bildirilir.
Sözügedən görüntüləti təqdim edirik:
