Görkəmli Azərbaycan alimi, akademik Əhəd Canəhmədov “Türk dünyasının Fəxri Ziyalısı” ("Türk Dünyasının Fahri Aydını") fəxri adına layiq görülüb.
2026-cı
ilin iyun ayında Türk dünyasının elm və təhsil mühitində ölkəmizin elm
ictimaiyyəti üçün mühüm və qürurverici bir hadisə baş vermişdir. Türkiyə
Respublikasının Türk Dünyası Araşdırmaları Beynəlxalq Elmlər Akademiyası (Türkiyə
Cümhuriyyəti Türk Dünyası Araştırmaları Uluslararası İlimler Akademisi) tərəfindən
Azərbaycanın görkəmli alimi, texnika elmləri doktoru, professor, akademikƏhəd
Canəhmədova "Türk Dünyasının Fahri Aydını" fəxri adı verilib. Bu
mükafat alimin türk dünyası elminə və təhsilinə verdiyi fundamental töhfələrin
rəsmi və beynəlxalq səviyyədə növbəti təsdiqidir.
Bu mötəbər mükafat Türkiyə Respublikasının
Türk Dünyası Araşdırmaları Beynəlxalq Elmlər Akademiyasının Elmi Şurasının və
Mükafat Komitəsinin qərarı ilə təqdim olunur. Sözügedən fəxri ad türk
dünyasının, eləcə də qlobal miqyasda elmin, mədəniyyətin, təhsilin inkişafında
müstəsna xidmətləri olan, əsərləri və ixtiraları ilə bəşəriyyətə fayda verən
tanınmış alimlərə, mütəfəkkirlərə və filosoflara verilir. Mükafata layiq görülən
şəxslər öz fundamental tədqiqatları ilə dünya miqyasında qəbul olunmuş elm
adamlarının sırasından seçilir. Elmi fəaliyyətində sadalanan bu göstəricilərin əksəriyyətinə
imza atmış akademik Əhəd Canəhmədov, həm də Türk dünyasında elm və təhsil sahəsində müstəsna
xidmətlər göstərir.
Azərbaycanlı alim Türk dövlətləri arasında
elmi inteqrasiyanı və birgə araşdırmaları təşviq edən layihələrin həyata
keçirilməsində, yüksək ixtisaslı elmi kadrların (magistr, fəlsəfə doktoru və
elmlər doktoru) yetişdirilməsində çoxillik səmərəli pedaqoji fəaliyyətinə, Beynəlxalq
elmi jurnallarda və qlobal bazalarda indekslənən mühüm elmi kəşflərin, dərsliklərin
və monoqrafiyaların müəllifi olduğuna, Türk xalqlarının elmi potensialını beynəlxalq
arenada uğurla təmsil etdiyinə görə bu yüksək fəxri ada layiq görülüb.
Bu
ali mükafatın laureatı olaraq Beynəlxalq Akademik Status qazanan akademik Əhəd
Canəhmədov türk dünyasının akademik elmi elitasının rəsmi üzvü və fəxri aydını
statusunu qazanır. Bununla belə beynəlxalq elmi layihələrdə, ekspert
komissiyalarında və Türk Dünyası Elmlər Akademiyasının təşkil etdiyi qlobal
konfranslarda səsvermə və təmsilçilik hüququ əldə edən alimimizin rəhbərlik etdiyi elmi məktəbin də Türkiyə və
digər Türk respublikalarının universitetləri ilə birbaşa əlaqələr qurmasına və
ortaq layihələr həyata keçirməsinə geniş imkanlar açılır.
Mühəndislik, triobologiya, mexanika və
maşınşünaslıq sahəsində dünya şöhrətli alim olan akademik Əhəd Canəhmədovun bu
mükafata layiq görülməsi, onun təkcə Azərbaycanda deyil, bütün türk dünyasında
elmi məktəb formalaşdıran bir mütəfəkkir olmasının bariz nümunəsidir. Alimin
çoxsaylı patentləri, dərslikləri, monoqrafiyaları və yetişdirdiyi gənc alimlər
ordusu bu mükafatın tam mənası ilə öz real və layiqli dəyərini tapdığını göstərir.
Əhəd Canəhmədovun elmi fəaliyyəti öz arealını uğurla böyütməkdədir. Qeyd etmək
lazımdır ki, akademikimizin "Türk Dünyasının Fahri Aydını" adına
layiq görülməsi həm də bütövlükdə Azərbaycan elminin beynəlxalq uğurudur.
Alimimizi bu Ali fəxri ad alması münasibətilə ürəkdən təbrik edir, ona
cansağlığı və yeni elmi nailiyyətlər arzulayırıq!
