ABŞ Prezidenti Donald Tramp İranla danışıqların davam etdiriləcəyini, lakin İordaniyadakı ABŞ bazalarına son hücumun cavabsız qalmayacağını bildirib.
Manset.az xəbər verir ki, bu barədə Tramp “Fox News” telekanalına müsahibəsində deyib.
"Hələlik onlara danışmağa imkan verəcəyik", - o qeyd edib.
ABŞ Prezidenti bildirib ki, İranın İordaniyaya son gecə hücumu onlar üçün gözlənilməz olub və ABŞ qüvvələrinin İran raketlərini vurmaq üçün cəmi bir neçə dəqiqəsi olub.
O qeyd edib ki, bu gözlənilməz hücuma cavab olaraq İrana qarşı zərbələr endiriləcək: "Biz onları möhkəm vuracağıq. Onlar ağır zərbə alacaqlar".
Tramp həmçinin İraqda İranın dəstəklədiyi silahlı qruplaşmalara qarşı tədbirlərin nəzərdən keçirildiyini də bildirib: "İranın dəstəklədiyi İraq qruplaşmaları dünya üçün xərçəngdir."
