Azərbaycan Prezidenti İlham Əliyev Özbəkistan xalqına və şəxsən Prezident Şavkat Mirziyoyevə azad edilmiş ərazilərə göstərdikləri dəstəyə görə təşəkkür edib.
Manset.az xəbər verir ki, dövlət başçısı Özbəkistanın Milli İnformasiya Agentliyinə (UzA) verdiyi müsahibəsində deyib:
"Özbəkistanın təşəbbüsü ilə inşa edilən və Füzuli şəhərində fəaliyyət göstərən Mirzə Uluqbəy adına orta məktəb təhsil sahəsində əməkdaşlığın ən parlaq nümunələrindən biridir. Ölkələr arasındakı qardaşlıq münasibətlərinin daha bir təzahürüdür. Bu nəcib təşəbbüsə, həmçinin işğaldan azad edilmiş ərazilərimizdə bərpa və tikinti işlərinə göstərilən dəstəyə görə bütün Özbəkistan xalqına və şəxsən Prezident Şavkat Mirziyoyevə səmimi minnətdarlığımızı bildiririk".
