Rusiyada binanın bir hissəsi çökdü - FOTO

Rusiya Federasiyasının Komi Respublikasında yataqxana binasının bir hissəsi çöküb. İlkin məlumata görə, xəsarət alan yoxdur.

 

Manset.az xəbər verir ki, Komi Respublikasının Peçora şəhərində yataqxananın 5-ci mərtəbəyə qədər olan hissəsi uçub.

Bina qəzalı vəziyyətdə olub. 2023-cü ildə bu və bir neçə digər yataqxananın prokurorluq tərəfindən yoxlanılmasının nəticələrinə əsasən, səhlənkarlıq maddəsi ilə cinayət işi açılıb.

Təxirəsalınmaz xidmət əməkdaşları hadisə yerinə cəlb olunub.