“Rusiya iyunun 7-dən 9-dək Ukrayna tərəfi ilə hərbi əsirlərin mübadiləsinə başlamağa hazırdır”.
Manset.az TASS-a istinadən xəbər verir ki, bu barədə Rusiya prezidentinin köməkçisi Vladimir Medinski açıqlama verib.
Onun sözlərinə görə, qarşılıqlı razılaşma əsasında hər iki tərəfdən təxminən 1200 nəfərin mübadiləsi nəzərdə tutulur və bu, yenidən ən böyük hərbi əsir mübadiləsi olacaq.
"Biz iyunun 7, 8, 9-da başlamağa hazırıq".
Medinski həmçinin əlavə edib ki, yekun rəqəm razılaşdırılır və mübadilə üçün prioritet kateqoriyalar yaralılar, ağır xəstələr və 25 yaşınadək hərbi əsirlər olacaq.
