2011-ci ildə Türkiyənin Bursa şəhərində planlı şəkildə cinayət törədərək izini itirərək qaçan şübhəli illər boyu gizlənmək üçün qardaşının şəxsiyyət vəsiqəsini istifadə edib.
Manset.az Türkiyə mediasına istinadən xəbər verir ki, o, izini itirmək üçün 9 dəfə estetik əməliyyat keçirib.
İzmir şəhərində mebel ustası kimi işləyərək yeni bir həyat quran şəxs işə getdiyi servis avtomobilində yaxalanıb.
Bir kazinoda təhlükəsizlik işçisi olaraq çalışan A.K. müdürü ilə birlikdə bir şəxsi planlı şəkildə öldürüb.
Hadisədən sonra müdür həbs olunub, A.K. isə qaçmağı bacarıb. Məhkəmə prosesində hər iki şəxsə ağırlaşdırılmış ömürlük həbs cəzası verilib.
Cinayətin ardından Bursadan İzmirə qaçan şübhəli burada qardaşının şəxsiyyət vəsiqəsini istifadə edərək yeni həyat qurub. Zamanla diqqət çəkməmək üçün sadə bir işdə işləməyə başlayan A.K.-nın ən diqqət çəkən addımı isə onu izləyənləri aldadaraq 9 dəfə estetik əməliyyat keçirməsi olub. Üz cizgilərini dəyişdirərək burnundan çənəsinə qədər bir neçə əməliyyat keçirdiyi öyrənilən şübhəli, adətən, başqa bir insana çevrilib.
