Pakistanın Lahor şəhərində təşkilatlı cinayətkar qruplarına qarşı əməliyyatlar həyata keçirilib.
Manset.az xarici mediaya istinadən xəbər verir ki, əməliyyatlarda baş verən atışmalarda 9 şübhəlinin öldüyü bildirilib.
"Dawn" qəzetinin məlumatına görə, xüsusi polis vahidi olan Cinayət Nəzarət İdarəsinin (CCD) rəsmiləri aldıqları məlumatlara əsaslanaraq Lahor şəhərinin müxtəlif bölgələrində basqınlar keçiriblər.
Əməliyyatlar zamanı baş verən atışmalarda 2 polis əməkdaşı da yaralanıb.
Cinayət Nəzarət İdarəsi rəsmiləri ölkə üzrə təşkilatlı cinayətlərlə mübarizə aparmaq məqsədilə tez-tez basqınlar həyata keçirdiklərini bildirib.
