Böyük Britaniyanın keçmiş baş naziri Boris Conson Rusiyanın Ukraynaya müdaxiləsindən əvvəl telefon danışığında Vladimir Putinin onu raket hücumu ilə hədələdiyini bildirib.
Manset.az-ın xarici mediaya istinadən məlumatına görə, Putin və Boris Conson arasında iddia edilən dialoq, Putinin dünya liderləri ilə qarşılıqlı əlaqələrini araşdıran BBC sənədli filmində ortaya çıxıb.
Conson Putinə xəbərdarlıq edib ki, Ukraynaya müdaxilə Qərbin sanksiyalarına və Rusiya sərhədlərində daha çox NATO əsgərinə səbəb olacaq.
O, həmçinin Putinə Ukraynanın “yaxın gələcəkdə” NATO-ya üzv olmayacağını söyləməklə Rusiyanın hərbi əməliyyatlarının qarşısını almağa çalışıb.
Consonun açıqlamalarına görə, Putin Böyük Britaniyanın çağırışına mənfi cavab verib:
"Bir anda o, məni hədələdi və şən bir şəkildə dedi: "Boris, səni incitmək istəmirəm, ancaq bir raketlə bir dəqiqə çəkər".
BBC sənədli filmi Putinə qarşı Qərbdə yayılan iddialara əsasən, fevralın 11-də müdafiə naziri Ben Uolles rusiyalı həmkarı Sergey Şoyqu ilə görüşmək üçün Moskvaya uçub.
Bildirilib ki, Uolles Rusiyanın Ukraynanı işğal etməyəcəyinə dair zəmanətlə ayrılıb, lakin hər iki tərəf bunun yalan olduğunu bilirdi.
Bunu zorakılıq və ya güc nümayişi kimi xarakterizə edən Uolles Rusiya ilə görüşü ilə bağlı “Sənə yalan danışacağam, sən bilirsən ki, yalan deyirəm və bilirəm ki, yalan deyirəm və hər halda sənə yenə yalan danışacağam. Düşünürəm ki, söhbət bir növ hesablaşmadan gedir” – deyib.
Manşet.az
