Ankara Respublika Baş Prokurorluğu İsveç və Danimarkada Qurani-Kərimə hücum edən Rasmus Paludan haqqında yenidən araşdırmaya başlayıb.
Manset.az Tgrt Haber-ə istinadən xəbər verir ki, Danimarka və İsveçin ikili vətəndaşı olan Rasmus Paludan növbəti dəfə Quranı hədəf alıb.
İsveç səlahiyyətliləri 41 yaşlı Paludanın Türkiyənin Stokholm səfirliyi qarşısında bu hərəkəti etməsinə icazə verib. Səfirliyin qarşısına gələn Paludanın İsveç polisi tərəfindən təhlükəsizliyi qorunub.
Müdafiəyə götürülən Paludan yerə atdığı müqəddəs İslam kitabını yandırıb. Qalmaqaldan sonra Ankara Respublika Baş Prokurorluğu hərəkətə keçib. Baş Prokurorluq Rasmus Paludana qarşı yenidən araşdırma başlatdığını açıqlayıb.
Baş Prokurorluğun yaydığı məlumatda belə deyilir:
"Respublika Baş Prokurorluğumuz tərəfindən aparılan açıq mənbə araşdırmasında Danimarkanın Stram Kurs Partiyasının direktoru Rasmus Paludan 21 yanvar 2023-cü il tarixində İsveçin paytaxtı Stokholmdakı Türkiyə səfirliyinə gələrək İslam Peyğəmbərini təhqir edən məzmunlu karikatura açıb.
Daha sonra Quranı yandırıb və eyni şəxs 27 yanvar 2023-cü ildə Danimarkanın Kopenhagen şəhərinin Dortheavej rayonunda cümə namazının sonunda İslam Cəmiyyətləri Dərnəyinə məxsus məscidə gələrək Quranı yandırıb. Cümə namazından çıxan müsəlmanlara baxaraq İslam peyğəmbəri Məhəmməd peyğəmbərin ünvanına təhqiramiz material yelləyərək təxribat törədib".
Verilən açıqlamaya görə, 3 və 22 yanvar 2023-cü il tarixlərində Hollandiyanın İrqçi Qərbin İslamlaşmasına Qarşı Vətənpərvər Avropalılar (PEGIDA) hərəkatının lideri Edvin Vaqensveld Hollandiyanın Haaqa şəhərində Hollandiya Parlamentinin qarşısında Quranı yandırmağa cəhd edib. , rəsmilər isə bunun qarşısını alıblar.İddia edilən hadisələrə görə bu dəfə sözügedən şübhəlilər İslam dininin müqəddəs dəyərlərinə, Qurani-Kərimə və İslam Peyğəmbəri Məhəmməd peyğəmbərə qarşı xalqda nifrət yaratmağa və düşmənçiliyə təhrik və ictimaiyyətin bir hissəsi tərəfindən qəbul edilmiş dini dəyərləri açıq şəkildə təhqir etmək və ictimai düşmənçiliyə çağırış və xalqı etməyə cəhd etdiyi üçün 5237 saylı Türkiyə Cəza Məcəlləsinin 216/1 və 216/3 maddələrinə uyğun olaraq qəbul edilən dini dəyərləri açıq şəkildə təhqir etmə cinayətlərinə uyğun gələn 2023/27095 saylı istintaqla iş üzrə istintaq başladılıb.
Davud
