Serbiyanın paytaxtı Belqradda məktəblinin atasının silahı ilə 8-i uşaq olmaqla 9 nəfəri öldürdüyü hücumdan sonra təhsil naziri Branko Ruziç istefa verib.
Manset.az-ın xarici mediaya istinadən məlumatına görə, istefa ərizəsini Serbiyanın baş naziri Ana Brnabiçə təqdim edən Ruziç istefa məktubunda belə deyib:
“Məsuliyyətli və savadlı bir insan, bütün ictimai vəzifələrini yerinə yetirmiş peşəkar, valideyn və Serbiya vətəndaşı kimi mən istefa verməklə bağlı məntiqli qərar verdim”.
Qeyd edək ki, Serbiyanın paytaxtı Belqradda mayın 3-də 13 yaşlı şagird atasının silahı ilə məktəbdə 8 şagirdi və mühafizəçini qətlə yetirmişdi və hücumdan sonra ölkədə 3 günlük milli matəm elan edilmişdi.
Manşet.az
