ABŞ Ədliyyə Nazirliyi Rusiya Federasiyası Federal Təhlükəsizlik Xidmətinə (FSB) aid olduğu bilinən 20 illik zərərli proqram şəbəkəsinin sındırıldığını açıqlayıb.
Manset.az-ın xarici mediaya istinadən məlumatına görə, nazirliyin açıqlamasında, "MEDUSA əməliyyatı ilə FTB və ABŞ-ın Nyu-Yorkun Şərq Bölgəsi üzrə Baş Prokurorluğu, bir çox xarici hökumətlə koordinasiyada, FSB-nin ən əhəmiyyətli zərərli kibercasus proqram implantatını zərərsizləşdirib" - deyilir.
Açıqlamada Rusiyanın 2004-cü ildən bəri 50 ölkədə virusa yoluxmuş yüzlərlə kompüterdən həssas məlumat əldə etmək üçün istifadə etdiyi "İlan" adlı qabaqcıl proqram şəbəkəsinin FTB tərəfindən zərərsizləşdirildiyi bildirilib.
Manşet.az
