Dünyaca məşhur Fələstin əsilli amerikalı model Gigi Hadid günlərdir davam edən İsrail-Fələstin münaqişəsi ilə bağlı səssizliyini pozub.
Manset.az xarici mediaya istinadən xəbər verir ki, 28 yaşlı super model sosial media platforması İnstaqram hesabından etdiyi paylaşım ilə günahsız insanların terrora məruz qalmasını pisləyib.
Gigi Hadid, həmçinin, məyus olduğunu dilə gətirib. Qeyd edib ki, fələstinlilərin mübarizəsinə görə dərin rəğbət və kədər hissi keçirirəm. Mənim fələstinlilər üçün ümidlərim və arzularım olsa da, onların heç birinin içində bir yəhudiyə zərər vermək nəzərdə tutulmur:
"Mənim fikirlərim bu haqsız faciədən təsirlənən hər kəslə və bu münaqişənin məhv etdiyi günahsız həyatlarladır... Onların çoxu sadəcə uşaqlardır"
Xatırladaq ki, Fələstin məsələsinə bacısı Gigidən daha çox münasibət bildirməsi ilə tanınan Bella Hadid son hadisələrlə bağlı hələ heç nə paylaşmayıb.
Əfsanə
Manşet.az
