Polşa Seymi dekabrın 11-də keçirilən iclasında Donald Tuskun ölkənin baş naziri postuna namizədliyini dəstəkləyib.
Manset.az xəbər verir ki, bu barədə Polşanın PAP agentliyi məlumat yayıb.
248 deputat lehinə, 201 deputat əleyhinə səs verib.
“Təşəkkürlər Polşa, bu, həqiqətən də gözəl gündür. Mənim üçün deyil, illər keçdikcə hər şeyin daha da yaxşılaşacağına və qaranlığı və şərdən uzaqlaşacağımıza dərindən inananların hamısı üçün”, - səsvermə başa çatdıqdan sonra Donald Tusk bildirib.
Donald Tusk 2007-2014-cü illərdə Polşanın baş naziri olub. 2019-cu ilə qədər Avropa Şurasının prezidenti olub.
