Fövqəladə Hallar Nazirliyinin “112” qaynar telefon xəttinə Bakı şəhəri, Sabunçu rayonu, Maştağa qəsəbəsi ərazisində yanğın baş verməsi barədə ilkin məlumat daxil olub.
Manset.az xəbər verir ki, bu barədə Fövqəladə Hallar Nazirliyinin mətbuat xidməti məlumat yayıb.
Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb edilib.
Yanğın qısa müddətdə məhdudlaşdırılıb. Hazırda yanğınla mübarizə tədbirləri davam edir.
Əlavə məlumat veriləcək.
***
21:49
Sabunçu rayonu Maştağa qəsəbəsində güclü yanğın başlayıb.
Manset.az-ın əldə etdiyi məlumata görə, yanğın qəsəbənin "Stansiya Vağzal" adlanan ərazisində qeydə alınıb.
Hadisə yerinə FHN-nin yanğınsöndürmə maşınları və təcili tibbi yardım briqadaları cəlb edilib.
Hadisə ilə bağlı əlavə məlumat veriləcək
