Xəzər rayonu Buzovna qəsəbəsində yolu keçmək istəyən piyadanı maşın vurub.
Manset.az Qafqazinfo-ya istinadən xəbər verir ki, avqustun 31-də Rüstəmov Fazil Şahbaz oğlu idarə etdiyi “Range Rover” avtomobillə Bakı şəhəri, Xəzər rayonu Buzovna qəsəbəsi Buzovna -Zaqulba yolunda hərəkətdə olan zaman yolu sağdan sola keçən piyada 1956-cı il təvəllüdlü Süleymanov Allahyar Baxış oğlunu avtomobilin qabaq hissəsi ilə vurub. Nəticədə piyada aldığı bədən xəsarətlərindən hadisə yerində ölüb.
Faktla bağlı Xəzər rayon polis idarəsinin istintaq şöbəsində cinayət işi başlanaraq istintaq davam etdirilir.
