ABŞ-ın Filadelfiya şəhərində 65 il əvvəl qətlə yetirilən və Fox Chase səmtindəki meşəlik ərazidə qutuda ölü tapılan uşağın kimliyi DNT texnologiyası sayəsində müəyyən edilib.
Manset.az xarici KİV-ə istinadən xəbər verir ki, Filadelfiya Polis Departamentinin rəisi Danielle Outlaw keçirdiyi mətbuat konfransında DNT texnologiyası sayəsində şəhərin ən qədim üstü açılmamış cinayətində qurban olan uşağın kimliyini öyrəndiklərini açıqladı. The Outlaw, ictimaiyyətin qəzəbinə səbəb olan və nəsillər boyu "qutudakı oğlan" kimi xatırlanan qətl qurbanının adının Joseph Augustus Zarelli olduğunu söylədi. İstintaqın hələ də davam etdiyini qeyd edən Outlaw, uşağın ailəsi və qətlin səbəbi ilə bağlı təfərrüatları açıqlamaqdan çəkinərək, məlumat üçün ictimaiyyəti köməyə çağırıb.
Qeyd edək ki, 1957-ci ilin fevralında Filadelfiyanın Fox Chase məhəlləsində meşəlik ərazidə karton yorğana bükülmüş təxminən 5 yaşlı bir oğlanın cəsədi tapıldı. Çılpaq bədənində çapıqlar və döyülmə izləri ilə döyülərək öldürüldüyü zənn edilən oğlanın kimliyi və qətl hadisəsi uzun illərdir şəhərdə danışılırdı. Kiçik qurbanın cəsədi "Amerikanın Naməlum Uşağı" yazılmış başdaşı ilə yerli qəbiristanlıqda basdırılıb.
