Xırdalanda yaşayış evində partlayış olub.
Fövqəladə Hallar Nazirliyinin Mətbuat xidmətindən Manset.az-a bildirilib ki, hadisə ötən gün sahəsi 160m² olan ikimərtəbəli dördotaqlı evdə baş verib. İlkin ehtimala görə, partlayışa səbəb qaz sızması olub. Partlayış dalğasının təsirindən evin 1-ci mərtəbəsində 1 otağın divarı uçub, pəncərələri qırılıb. Yanğın qeydə alınmayıb. Hadisə nəticəsində 2 nəfər xəsarət alıb. FHN qüvvələri tərəfindən ərazidə müvafiq təhlükəsizlik tədbirləri görülüb.
Hadisə ilə əlaqədar aidiyyəti qurumlar tərəfindən təhqiqat aparılır.
