Türkiyənin "Qalatasaray" klubu yeni mövsümün hazırlıqlarını Kemerburgaz Metin Oktay Təsislərində davam etdirir.
Manset.az xəbər verir ki, "Sarı-qırmızılar" zədəsini sağaldan və fərdi məşqlərini davam etdirən Mauro İkardinin son vəziyyətini açıqlayıb.
Klubun rəsmi saytında yayılan məlumatda bildirilir ki, məşq dinamik isinmə hərəkətləri ilə başlayıb və üç qrupa bölünən futbolçular 8-ə 2 ötürmə məşqləri ilə davam ediblər. Təlim sessiyası iki qollu qarşılaşma ilə yekunlaşıb.
"Qalatasaray"ın açıqlamasında isə, "Həkim komandamızın nəzarəti altında fərdi məşqini davam etdirən Mauro İkardi, hazırladığı proqram çərçivəsində komanda ilə isinmə və 8-ə 2 ötürmə məşqlərinə qatılıb. Daha sonra fizioterapevt və kondisionerlərin müşayiəti ilə xüsusi məşq keçib" ifadələri yer alıb.
