Portuqaliyalı ulduz futbolçu Kriştiano Ronaldo üçün eksklüziv saat hazırlanıb.
Manset.az BAKU.WS-ə istinadən xəbər verir ki, saatı dəbdəbəli saat istehsalçısı "Jacob & Co" şirkəti istehsal edib.
"Caviar Flying Tourbillon" adlanan saat qranat daşlarının ən bahalısı olan parlaq yaşıl savoritlər ilə bəzədilib.
Savoritlərə təbiətdə zümrüdlərdən təxminən 200 dəfə az rast gəlinir. Rənglərinə görə tez-tez zümrüdlərlə qarışdırılsalar da, daha parlaqdırlar.
Ronaldonun saatında 300 ədəd savorit daşı yer alıb.
Eksklüziv saat modelinin qiyməti təxminən 780 min dollardır.
