Bu gün UEFA Millətlər Liqasında "Dördlər finalı"na start veriləcək.
Manset.az-ın məlumatına görə, ilk yarımfinal oyununda ev sahibi olan Niderland millisi Xorvatiya yığmasını sınağa çəkəcək. Rotterdamdakı "Feyenoord Stadionu"nda keçiriləcək görüş Bakı vaxtı ilə saat 22:45-də başlayacaq.
Qarşılaşmanı Rumıniya Futbol Federasiyasından İştvan Kovaç idarə edəcək.
Digər yarımfinal matçı iyunun 15-də İspaniya və İtaliya seçmələri arasında olacaq.
UEFA Millətlər Liqası
"Dördlər finalı"
Yarımfinal
14 iyun
22:45. Niderland - Xorvatiya
Baş hakim: İştvan Kovaç (Rumıniya)
Rotterdam, "Feyenoord Stadionu"
Qeyd edək ki, "Dördlər finalı"nda həlledici oyun iyunun 18-də keçiriləcək.
