Azərbaycan çempionu “Qarabağ”ın Çempionlar Liqasının II təsnifat mərhələsindəki potensial rəqibləri bilinib.
Manset.az xəbər verir ki, bu gün baş tutan püşkatma mərasimində Ağdam təmsilçisinə “Rakuv” (Polşa) – “Flora” (Estoniya) cütünün qalibi rəqib olub. Ancaq bunun üçün Qurban Qurbanovun yetirmələri əvvəlcə Cəbəllütariq çempionu “Linkoln”u mübarizədən kənarlaşdırmalıdır.
“Linkoln” – “Qarabağ” cütünün qalibi II raundda ilk oyununu səfərdə keçirəcək.
Qeyd edək ki, Çempionlar Liqasında II təsnifat mərhələsinin oyunları iyulun 25-26-da və avqustun 1-2-də keçiriləcək.
