UEFA-nın Nəzarət, Etika və İntizam Komitəsi dekabrın 15-də keçirilən Azərbaycan – Rumıniya oyununun nəticəsini (matç 5:5 hesabı ilə başa çatmışdı) ləğv edib.
Manset.az Azərbaycan Futzal Federasiyasının rəsmi saytına istinadən xəbər verir ki, komitənin qərarı ilə millimizə texniki məğlubiyyət (0:5) verilib.
Buna səbəb qeyd olunan oyun zamanı Azərbaycan yığmasının UEFA İntizam Qaydasını pozmasıdır.
Qeyd edək ki, Azərbaycan millisi yer aldığı A qrupunda bu sanksiya daha əvvəl 2 dəfə Rumıniya yığmasına tətbiq olunub. Niderland millisinin şikayəti əsasında, analoji səbəbdən UEFA-nın adı çəkilən komitəsi Rumıniya – Niderland və Niderland – Rumıniya oyunlarının nəticəsini ləğv etmiş, hər iki oyunda Rumıniyaya texniki məğlubiyyət (0:5) vermişdi.
