İmişlidə silsilə oğurluqlarda şübhəli bilinən şəxs saxlanılıb.
Manset.az xəbər verir ki, bu barədə Daxili İşlər Nazirliyinin Mətbuat Xidmətinin Şirvan regional qrupu məlumat yayıb.
Bildirilib ki, İmişli Rayon Polis Şöbəsinin əməkdaşları tərəfindən keçirilən tədbirlərlə rayon ərazisində silsilə oğurluqlar törətməkdə şübhəli bilinən Alim Məmmədli saxlanılıb.
Araşdırmalar zamanı məlum olub ki, A.Məmmədli beş evə qanunsuz daxil olaraq zərərçəkmişlərin ümumilikdə 10 000 manatdan çox pulunu və dəyəri 35 000 manata yaxın olan qızıl-zinət əşyalarını oğurlayıb.
Saxlanılan şəxs barəsində İmişli Rayon Məhkəməsinin qərarı ilə həbs qətimkan tədbiri seçilib.
A.Məmmədlinin digər analoji cinayət hadisələrində iştirakının olub-olmaması araşdırılır.
