"Belini kütlətmək, rahatlamaq düşüncəsi ciddi ziyanlara səbəb ola bilər".
Bunu türkiyəli Beyin və Sinir Cərrahı üzrə mütəxəssisi, tibb doktoru Cəmali Şahin deyib. Onun sözlərinə görə, belində yırtıq olan insanların belini qəsdən kütlətməsinin və ya çəkilməsinin ani qol və ayaq iflicinə səbəb ola biləcəyini bildirdi.
Manset.az xarici mediaya istinadən xəbər verir ki, Beyin və Sinir Cərrahı üzrə mütəxəssis, tibb doktoru Cəmali Şahin, bel və boyun yırtıqlarının müalicəsi ilə bağlı elmə uyğun olmayan tətbiqlər barədə məlumat verdi.
Bel yırtıqlarında əməliyyatdan qorxmağa ehtiyac olmadığını vurğulayan doktor Şahin, belə deyib: "Ən çox üzləşdiyimiz problemlərdən biri bel yırtığıdır. Həyatın və işin keyfiyyətini mənfi yöndə təsir edən xəstəliklərin başında gəlir. Bel və boyunda ağrı ilə başlayıb, qol və ayaqda uyuşmağa səbəb olan, irəlilədikdə isə güc itkisinə yol açan, həm fiziki, həm də sosial baxımdan ciddi təsirləri olan bir xəstəlik qrupudur. Buna görə də müalicə tələb edir. Bel və boyun yırtıqlarında dərhal əməliyyat tələb olunmur. Güc itkisi yoxdursa, fiziki terapiya və dərmanla müalicəyə başlayırıq. Əgər güc itkisi, əzələ əriyilməsi və ya sidik qaçırma kimi əlamətlər ortaya çıxarsa, əməliyyat düşünülür. Əməliyyatdan qorxmaq və etməmək, xəstənin geri dönülməz güc itkisinin, yəni qismən iflicin yaranmasına səbəb ola bilər. Buna görə də əməliyyat, cəmiyyətdə danışıldığı qədər qorxulu deyil. Bu günlərdə bağırsaq və digər inkişaf etmiş qapalı cərrahiyyə metodları mövcuddur. Bunların riski azdır və nəticələr daha yaxşıdır".
İctimaiyyət arasında geniş yayılan yanlış tətbiqlərin insan orqanizmində ciddi fəsadlara yol aça biləcəyinə diqqət çəkən Beyin və Sinir Cərrahı üzrə mütəxəssis, tibb doktoru Cəmali Şahin bildirib ki, elmi əsaslara söykənməyən müalicə üsullarına tez-tez üstünlük verilir.
Dr. Şahin qeyd edib: “Elmi cəhətdən sübut olunmuş müalicə metodlarından kənar, ictimaiyyət arasında tətbiq edilən qeyri-elmi üsullara müraciət edilə bilir. Elmi əsası olmayan masajlar etdirmək, beli dartdırmaq, kürəyi, beli və boynu çıtlatmaq kimi hərəkətlər, xüsusilə, yırtıq artıq partlayıbsa və ya sinir kökünə təzyiq həddinə çatıbsa, son dərəcə təhlükəlidir. Belin dartılması və ya çıtladılması həmin nahiyədə sinirə olan təzyiqi daha da artıraraq ani qol və ayaq iflicinə qədər gedib çıxan riskli vəziyyətlər yarada bilər. Bu cür elmi əsasdan uzaq tətbiqlər əməliyyatdan qat-qat daha təhlükəlidir. Buna görə də tibbin sərhədlərindən kənara çıxmamaq vacibdir”.
