Xalq artisti Rasim Balayevin nəşi bu gün gecə Vətənə gətiriləcək.
Manset.az xəbər verir ki, bu barədə Mədəniyyət Nazirliyi məlumat yayıb.
Bildirilib ki, Rasim Balayevlə vida mərasimi sabah, 30 mart tarixində, 12.00-13.30 Azərbaycan Dövlət Akademik Milli Dram Teatrında baş tutacaq.
Xalq artist Birinci Fəxri Xiyabanda torpağa tapşırılacaq.
***
14:40
Türkiyədə vəfat edən Xalq artisti Rasim Balayevin nəşi bu gün axşam saatlarında Azərbaycana gətiriləcək.
Manset.az Musavat.com-a istinadən xəbər verir ki, bu barədə mərhum aktyorun yaxın dostu, tanınmış şair Baba Vəziroğlu məlumat verib.
Onun sözlərinə görə, hazırda bununla bağlı təşkilati proseslər davam edir və sənətçinin nəşinin axşam saatlarında vətənə gətiriləcəyi gözlənilir:
“Proseslər davam edir, ehtimal olunur ki, bu gün axşam saatlarında gətiriləcək. Rasim Balayevin aldığı müalicələrə ürəyi tab gətirmədi və dayandı”.
Qeyd edək ki, Rasim Balayev bu gün Türkiyədə müalicə aldığı xəstəxanada vəfat edib.
