Nizami Rayon İcra Hakimiyyətinin təşkilatçılığı ilə
5 Oktyabr – Beynəlxalq Müəllimlər Günü münasibətilə möhtəşəm tədbir keçirilib.
Manset.az xəbər verir ki, tədbirdə Milli Məclisin deputatları, ictimaiyyət nümayəndələri,
təhsil müəssisələrinin rəhbərləri, qabaqcıl müəllimlər, qəbul imtahanlarında
yüksək bal toplayaraq tələbə adını qazanan məzunlar və onların valideynləri
iştirak ediblər.
Vətənimizin
azadlığı və ərazi bütövlüyü uğrunda canlarından keçmiş şəhidlərimizin əziz
xatirələrinin bir dəqiqəlik sükutla yad edilməsi və Azərbaycan Respublikasının
Dövlət Himninin səsləndirilməsi ilə başlayan tədbirdə Rayon İcra Hakimiyyətinin
başçısı Coşqun Cəbrayılov çıxış edərək Beynəlxalq Müəllimlər Günü münasibətilə
təhsil sahəsində çalışanları təbrik edib, onlara can sağlığı və şərəfli işlərində
uğurlar diləyib.
Qeyd olunub ki, müasir müstəqil Azərbaycanın memarı
və qurucusu Ulu Öndər Heydər Əliyev bütün sahələrdə olduğu kimi təhsil sahəsində
də şərəflə çalışan insаnlаrın əməyini həmişə yüksək qiymətləndirmiş, оnlаrа
böyük hörmət və еhtirаmını bildirmiş, cəmiyyətimizin tərəqqisinə işıq saçan bu fədakar
peşə sahiblərinə yüksək diqqət və qayğı göstərmişdir.
Ümummilli Lider Heydər Əliyevin Azərbaycan təhsilinin
inkişafına göstərdiyi diqqət və qayğı bu gün Prezident İlham Əliyev tərəfindən
uğurla davam etdirilir. Bu sahədə qəbul edilən dövlət proqramları və tikilən
müasir məktəblər təhsilin keyfiyyətini artırılmasına; müəllimlərin bilik və
bacarıqlarının qiymətləndirilməsi isə onların sosial rifahının
yaxşılaşdırılmasına və cəmiyyətdəki nüfuzunun yüksəldilməsinə xidmət edir.
Eyni zamanda, Azərbaycan Respublikasının Birinci
vitse-prezidenti Mehriban xanım Əliyevanın təhsil sahəsində həyata keçirdiyi
misilsiz layihələr, rəhbəri olduğu Heydər Əliyev Fondu tərəfindən həyata
keçirilən tədbirlər bu gün Azərbaycan təhsilinin davamlı inkişafına böyük töhfələr
verir.
Milli Məclisin deputatları Rasim Musabəyov, Könül
Nurullayeva və YAP Nizami rayon təşkilatının sədr müavini Rəşadət Xalıqov tədbirdə
çıxış edərək təhsil işçilərini təbrik edib, gənc nəslin intellektual, mənəvi və
fiziki inkişafında müəllimlərin müstəsna rolundan söhbət açıblar.
Tədbirdə həmçinin 70 saylı məktəb-liseyin direktoru
Kəmalə Rəsulova, qəbul
imtahanlarında yüksək bal toplayaraq tələbə adını qazanan məzunlar Ayan Hümbətova
və Nihad Fətullayev çıxış edərək təhsil sahəsinə və bu sahənin aparıcı qüvvəsi
olan müəllimlərə, eləcə də gənc nəslin təlim-tərbiyəsinə göstərilən böyük dəstəyə,
qayğı və diqqətə görə təhsil işçiləri və tələbələr adından Azərbaycan
Respublikasının Prezidenti cənab İlham Əliyevə və Birinci vitse-prezident
Mehriban xanım Əliyevaya səmimi minnətdarlıqlarını və dərin təşəkkürlərini
bildiriblər.
Tədbirin sonunda fərqlənən təhsil işçiləri Rayon
İcra Hakimiyyəti başçısının Fəxri Fərmanı ilə mükafatlandırılıb, eyni zamanda,
qəbul imtahanlarında yüksək bal toplayaraq tələbə adını qazanan məzunlara hədiyyələr
təqdim olunub.
Tədbir bədii hissə ilə davam edib.
