“Səbail”in ev oyunlarını keçirdiyi “ASCO Arena”nın elektrik təchizatında problem yarandığı üçün Misli Premyer Liqasının 14-cü turunun oyun cədvəlində dəyişiklik edilib.
Manset.az PFL-in saytına istinadən xəbər verir ki, “Səbail klubunun müraciəti əsasında “Kəpəz” PFL tərəfindən məlumatlandırılıb və əvvəlcədən saat 18:30-da (25 noyabr) başlanması nəzərdə tutulan oyunun 14:00-da başlanmasına qərar verilib.
Bundan əlavə, təşkilati məsələlər ilə bağlı 16-cı turun “Zirə” - “Araz Naxçıvan” (9 dekabr) oyununun startı saat 18:00-dan 17:00-a keçirilib.
