Türkiyə Silahlı Qüvvələrinə (TSK) məxsus F-4 Phantom qırıcı təyyarəsinin Şimali Kipr Türk Cümhuriyyətində (KKTC) nümayiş zamanı həyata keçirdiyi yerə yaxın manevri izləyicilərə qorxu dolu anlar yaşadıb.
Manset.az-ın məlumatına görə, təhlükəli manevr Kipr səmasında baş verib.
Nümayiş zamanı pilot yerə bir neçə metr məsafədə sürətlə enərək tamaşaçılara sanki qəzaya uğrayacağı təəssüratını yaradıb.
Gözlənilməz şəkildə suya tərəf sürətlə enən təyyarə son anda yenidən havaya qalxaraq uçuşunu davam etdirib.
Sosial mediada geniş yayılan videolar izləyicilər tərəfindən böyük maraq və həyəcanla qarşılanıb.
