Milyarder Elon Musk-ın təşəbbüsü ilə SpaceX şirkətinin buraxılış meydançasının yerləşdiyi Texas ştatındakı ərazinin adı rəsmi olaraq “Starbase” (Ulduz Bazası) olaraq dəyişdirilib.
Cameron dairəsində keçirilən səsvermədə 212 nəfər ad dəyişikliyini dəstəkləyib, cəmi 6 nəfər əleyhinə səs verib. Yeni adın rəsmi təsdiqindən sonra Starbase Texasın bələdiyyə şəhərləri siyahısına daxil ediləcək.
Şəhərin X (Twitter) platformasında yayımlanan açıqlamasında bildirilib:
“Bu addım kosmosda bəşəriyyətin gələcəyi üçün çalışan insanlar üçün ideal bir icma yaratmaq məqsədi daşıyır.”
