Türkiyənin Egey sahilində 4,9 maqnitudalı zəlzələ olub.
Manset.az xəbər verir ki, bu barədə ölkənin Fəlakət və Fövqəladə Halların İdarə Edilməsi Agentliyi yayıb.
Bildirilib ki, yeraltı təkanların episentri Muğla şəhərinin Bodrum rayonundan 137 km qərbdə – Egey dənizində qeydə alınıb. Zəlzələnin ocağı 7 km dərinlikdə yerləşib.
Dağıntı və tələfat barədə məlumat verilməyib, regionda sunami təhlükəsi elan olunmayıb.
Xatıladaq ki, ötən ayın 23-də Avropanın ən sıx əhaliyə malik şəhərlərindən olan İstanbulda güclü zəlzələ baş vermişdi.
