Mayın 15-də İstanbulda Ukrayna nümayəndə heyəti ilə birbaşa danışıqlara hazır olduğunu açıqlayan Rusiya tərəfi danışıqlarda siyasi və texniki məsələlərin müzakirə olunacağını açıqlayıb.
Manset.az-ın əldə etdiyi məlumata görə, görüş yerinin Rusiyanın İstanbuldakı Baş Konsulluğu və Türkiyə rəsmiləri tərəfindən hazırlandığını bildirən Rusiya rəsmisi bildirib ki, prezident Rəcəb Tayyib Ərdoğan rusiyalı həmkarı Vladimir Putinlə telefon danışığında “ənənəvi türk qonaqpərvərliyi” göstərəcəyini vəd edib .
Jurnalistin Rusiya lideri Putinlə ABŞ prezidenti Donald Tramp arasında Türkiyədə ola biləcək görüşlə bağlı hər hansı eyham olub-olmaması ilə bağlı sualına Uşakov “Trampın Yaxın Şərqdə olduğunu və orada ciddi işlərlə məşğul olduğunu bilirik” deyib.
